Таласта жааган кар электр зымдарын үзүп, бактарды кулатты

Талас облусунда 14-октябрда калыңдыгы 15-20 сантиметр кар жаап, анын кесепетинен Манас жана Кара-Буура районундагы электр линиялары үзүлүп, жарыксыз калган. Бул тууралуу ӨКМдин маалымат кызматы билдирди.

Электр зымдарын оңдоо үчүн Манас районуна 5 бригада, Кара-Буура районуна 8 бригада жиберилген. Анын жыйынтыгында 14-октябрда кечинде Манас районунда 60 пайыз, Кара-Буура районунда 80 пайыз электр энергиясы калыбына келтирилген.Ан
дан сырткары Талас районундагы Көк-Токой айылында үйдүн чатырына терек кулаган. Куткаруучулар келип теректи коопсуз жайга чыгарышкан.